Allah şarmızari medo. Ez, esil xo Az ra ya. Ez kowta puncas howt serron. Kimlig dı nomeyi mı ‘Sadi' viyereno. La şar ma ina şınasneno. Ma xo ri esnafti keni, ez 95 ra nat xo ri esnafti kena. Ma feki û zebze rueşeni. Ma veri enin dı awk û meşrubat zi rueşeni. Ma zebze û feki Hal ra uni. Ez cuaver inşaat û fabriqa dı xebıtyeni.

-Tı enı gure dı tena xebıtyen. To ri zuar niyo?

Qanaat zaf mühim o. Ek qanaat çinebo, wazen gelir Bingual niye, ey dinya yow heb biyer bin deston merdim, merdım veşon o. E(z), dıkon dı xo ri tena xebıtyeno. Qİj, yow lac dı heb keynay. Ez û xonım ma tena yi. Ma şin yen. Ey kı hay dûr di, xora, ma telefon dı qal keni.

-Zebze û feki dı rey rey zaf zerar vırazyeno. Gureyi şıma senin o?

E, wıllay enı gureyi ma zi bınêk riskli yo. Qelem esta tı tera sıfteh zi nêkeni, o qedı direkt şıno çop.

-Seid abe, tı vinayiş xo ra bınêk kem i. Seni, runa ena kemi esta?

Ez dadi ra biya, ez ina ya. Şıkır, barê mı esta. Sahabe bıbo, nomeyi yi Ebdula ibni Mektum bı. Sıfır ema bı zaten. Çımon xo ra qet nêdini. Wi zi hal xo ra memnon bı. Belka vinayış dahane zêd bıdeni mı ma xırab beni. Ez xo ri hal xo ra memnon a.

-Şar ma, bêwasılon ri muameleyi yın senin o?

Ez vuna ez ha enı şuşeyi to bena, ez şin hin neno. Rabbul alemin ho ma vineno. Huni yow qalê Zazayon ma esta. Von ‘Hebê ğeli gêrena gêrena şına kuwena çımê arey'. Ma von ma faiz nêweni, dû yi zi yeno ma. Mêrık peron xo beno erzeno panqa. Ez yen, ez to xapinen, ez von ez filon ruec una…

Ez hal xo ri şıkır kena. Allah ri şıkır. Mesela ez zereyi çarşû dı deston xo a nêkeno, muhtaç çewi niya. Allah teala şuna şun pereyi dı heb nonon duno mı, ez bena kiye. Elhemdulillah.

-Payiz, varayış dı awk geriya keyon şıma. Şıma zaf zerar di?

Het seri ‘Sağlık Ocaği' Bin mehleyi Mirzon dı, awkê dere het Yeni Mehla û ey Duernon umey, zerar da ma. Bınek zerar gen ama. Sosyal Dayanışma û Belediya desteg da ma. Ma vac taye ma nêdo, zûr bena.

-Xal Seid, tı ena nesla newe ra voni se?

Merdım est tı yow qal tera von, von tamom. Merdım zi est tı von nêvon sey guaz a, sey turbe gılêr, a guaz pia nêvındena, yena war. Merdım zi est, a guaz tede vındena, a qal tepışeno. Allah ay otirinon zi ısleh bıkero.Eyr gereka ma eni nesil ri hol bı. Kom ma ri holey zi bıker xırabey zi bıker, gereka ma ci ri holey bıker. Ma ena bıker holey bena zaf. Merdım waxt mıreno, to di ma beni lew mezeli. Duest yi, owlad yi, emeli yi, aw cesedi yi dı şini. La bacna herkes gêreno a, o merdım û emeli yi muneni. La owlad salıhin bı, xêr eni merdim dewom keno.

0